සෞඛ්‍ය උපදෙස් නොතකා කටයුතු කරන පිරිස් පිලිබදව සොයා බැලීමේ නව මෙහෙයුම් ශ්‍රී ලංකා පොලීසිය ආරම්භ කර ඇත. විශේෂයෙන්ම මුව ආවරණ රහිතව හා සමාජ දුරථභාවයද ආරක්ෂා නොකරන තැනැත්තන් ඇතුලු සෑම ආකාරයකින්ම සෞඛ්‍ය මාර්ගෝපදේශනයන්ට පටහැනිව කටයුතු කරන තැනැත්තන් පිලබදව සොයා බැලීම මෙම මෙහෙයුම්වල අරමුණ වේ.
ඒ අනුව ඊයේ (12) බස්නාහිර පලාතේ පොදු ස්ථාන හා පොදු මගී ප්‍රවාහන සේවා ඇතුලු පොදු ස්ථාන රුසක මෙම මෙහෙයුම් කටයුතු සිදුකල බව ශ්‍රී ලංකා පොලීසිය පවසයි. එම මෙහෙයුම්වලදී බස්රථ 385 ක් පමණ සෞඛ්‍ය මාර්ගෝපදේශනය කඩකරන බව අනාවරණය වූ බව ද පොලිස් මාධ්‍ය අංශය පවසයි.